Dyddiad: 13 Mai 2013 9.30am
Llanw :Trai – 6.15 (1.05m)
Penllanw – 12.06 (4.7m)
Trai – 18.47 (1.2m)
Tywydd: gwyllt, gwynt gryf at y traeth, haul a cymylau
Sylwadau: gwymon yn chwythu i lawr y traeth, cregyn cocos yn rholio i fewn efo’r tonnau, creigiau wylb yn gwisgo’r tywod sych, ewyn yn casglu yn y corneli a chwythu, oedd y gwynt rhy swnllyd i glywed yr adar heblaw yr morwenoliad yn sgrechian – cor mawr ohonyn nhw rwan, potel llefrith ‘Wexford’ hanner llawn – yn Porth Twr Mawr, plucen felen, dail arian a pysen-a-ceirw efo lindysen felyn a ddu llachar drws nesaf iddo, gwylanod cefnddu yn hofran ar yr awyr.
Weithiau, dwi’n teimlo dwi ond yn edrych ar y llawr am rhyw fath o ysbrydoliaeth ond heddiw, oedd y gwynt ac yr tir yn galw am fy sylw. Oedd yn anodd i gael mymryn o heddwch i chwilio am bethau, efo’r tywod yn hedfan, y gwynt yn rhuo ac yr ewyn yn chwyrlio bob man. Oedd yn wyllt ac yn wych.
Oedd y gwynt yn gyfrifol am lot o’r gwead – cylchau o gwmpas planhigion, tywod yn cotio popeth yn ei ffordd ac wyneb o bwi sy wedi colli ei angorfa.
Y darn o emwaith dwi wedi eu greu tro’ma yw broets, gan ddefnyddio darn o bibell plastig a rhaff sy’n rhaflo. Yr symudiad yn y rhaff yn portreadu’r gwynt ac yr tonnau.
karen williams gemwaith 